Os devanceiros do cineclube sitúanse fai máis de tres décadas no Ateneo Santa Cecilia coa presidencia de Pilar Calviño, xermolo da actividade fílmica na vila con filmes como «El Cochecito» (O Cocheciño) de Marco Ferreri, «Aguirre der Zorn Gottes» (Aguirre, A Cólera de Deus) de Werner Herzog ou «Jungfrukällan» (O Manancial da Doncela) de Ingmar Bergman.

Despois dun xaxún cinematográfico de máis de dúas décadas, a directiva do Ateneo Santa Cecilia comandita por Lois González, Isabel Martínez Epifanio, Paula Landín, Carolina Pesqueira e Xulio Pardellas procuran a reviviscencia do cineclubismo na vila marinense. En xullo do 2015 comezou unha nova xeira cos filmes de Wes Anderson «The Grand Budapest Hotel» (O Gran Hotel Budapest) e Alexander Payne «Nebraska» proxectados ao ar libre, co gallo das festas do Carme e a súa incorporación á Federación de Cineclubes de Galicia «Feciga».

A teima da asociación e a súa actual directiva, aparte de tentar a dinamización cultural coas actividades que llen son propias, prender na sociedade a paixón polo cinema, deste xeito proxectando —de balde— até dúas sesións ao mes, no terceiro o cuarto xoves do mes segundo cadren cas outras actividades, na Biblioteca Pública Municipal «Vidal Pazos». Buscan físgoas que eviten de novo a súa desaparición, agardando que agrome na súa vila coma o fixo noutras da comarca do Morrazo, persoas entusiastas dos feitos cinematográficos.