Navegación

O noso traballo

Fica en nós a vontade de promover e divulgar o feito audiovisual en toda a súa extensión, sen ánimo de lucro, en todos os eidos, especialmente no formativo e cooperativo con outras entidades, dende a nosa constitución en 1984.

Rolda de Prensa
Rolda de prensa en Compostela presentando un «Encontro de Cineclubes»
Na imaxe, a Xerente Lola González e o Presidente (2011) Manuel Precedo
Foto: SusoPB / Feciga (cc) BY-NC-SA 3.0 España

Xa dende a primeira xuntanza entre os cineclubes de Galicia e Portugal no ano 1984, nas «Xociviga» do Carballiño, que catro anos máis tarde deron lugar á creación da comisión luso-galaica en Viana do Castelo, vemos na cooperación transrexional e nas nosas similitudes lingüísticas, a oportunidade de potenciar a oferta cinematográfica cineclubista.

Para revitalizar esta visión, celebramos en Ourense no 2011 un «Encontro de Cineclubes» das que participamos xunto coas Federacións de Cineclubes Portuguesa () e Catalana ().

As conclusións dese «Encontro de Cineclubes» fixeron fincapé en potenciar ditas relacións, crear unha rede alternativa de distribución, para fornecer aos cineclubes en xeral e calquera outra entidade cultural en particular, dun que teña como denominador común, un contrato social entre o creador e a distribución, afastado das prácticas das grandes distribuidoras comerciais e das . O pulo que precisa este tipo de filmografía social e independente, se cadra pode ser un certame anual, como o que se celebra no país veciño xa fai .

Non é de estrañar pois, que a Federación de Cineclubes de Galicia «Feciga», establecera nexos de colaboración cos «Encontros de Cinema» celebrados en Viana do Castelo (Portugal); unhas xornadas nas que tivemos a ocasión de contactar con algunhas das mellores escolas audiovisuais, asemade de colaborar xunto coa outorgando o premio «» / ao mellor documental realizado por alumnos das escolas de cinema, de audiovisuais ou comunicación de Galicia, Portugal, Brasil e países lusófonos.

Xestión coas distribuidoras Organización de proxeccións para outras entidades
Con ou sen a xestión das proxeccións, a Federación de Cineclubes de Galicia «Feciga» ofrece os seus servizos de xestión coas empresas distribuidoras existentes no Estado, de xeito eficiente e económico.
O servizo é «a prezo de custo» para os cineclubes pertencentes á «Feciga».		 A «Feciga» dispón de equipamentos portátiles para proxección nos formatos de 16mm, 35mm e DVD, e ofrece os seus servizos para organizar, programar e proxectar filmes, a todo tipo de entidades asociativas.
Consúltenos sen compromiso, facéndonos saber que é o que precisa.
Ciclos cinematográficos Mediateca
Organizamos e coordinamos os programas da maior parte dos cineclubes asociados, financiando unha boa parte dos custos de aluguer dos filmes.
Na «Semana do Cinema» organizada polos cineclubes, contan coa nosa colaboración e apoio financieiro.
Moitas desas «Semanas», propician un sitio de encontro para o debate, na meirande parte das ocasións, participan senlleiras personalidades vencelladas aos medios audiovisuais.		 Dispoñemos dunha ampla colección de libros, manuais, revistas, monografías, catálogos… etc. sobre cinema, así como un depósito de filmes, en 16mm, VHS e DVD, cunha especial preocupación por recompilar a produción galega dos últimos anos, máis tamén, aberta a recoller calquera outra filmografía.
Ao igual que os volumes da biblioteca, a filmoteca está a disposición dos cineclubes pertencentes á «Feciga» por medio dun servizo de préstamo.

Asesoramento

Se desexas , formar parte del ou ben, obter información sobre os dereitos de exhibición pública de filmes, pregámoslle contacte connosco e tentaremos botarlle unha man.

Cine en Ourense
«Cinema baixo as estrelas» en Ourense, na praza San Martiño
Imaxe: Martiño Pinal (La Región)
Cine en Chantada
«Semana de Cinema» en Chantada, na praza do Cantón
Imaxe: Roi Fernández (La Voz de Galicia)

Apoio

Os cineclubes, como mínimo, son óptimos programadores de cine e moitos deles formadores, creadores e difusores doutras artes como a fotografía, a música e a literatura.
Todo isto grazas ao traballo incesante de persoas que, ademais da súa vida profesional, adican moitas horas do seu tempo libre, organizando actividades que cren ser o mellor xeito de desenvolver culturalmente a localidade ou rexión onde se atopan, amosando outros mundos.

Inxenuamente pensamos que é posible, teimamos cavilar que é posible; neste momento vivimos con está posibilidade, conscientemente medramos con esa posibilidade e prodixiosamente acadamos , un tempo de actitude desinteresada e na que todos os cineclubes de Galicia fixeron e fan cada día o vieiro.

A Federación de Cineclubes de Galicia «Feciga» é unha asociación cultural sen ánimo de lucro, polo que os cartos que percibe son para apoiar unicamente o cineclubismo galego amais de ofrecer os seus servizos a prezo de custe ou de balde en moitos dos casos.

Se crees que este traballo é unha boa iniciativa, agradecémosche moito que nos botes unha man, de xeito altruísta colaborando no traballo que desenvolve o cineclube da túa bisbarra.
Tamén podes colaborar economicamente cunha pequena doazón (3 €) á «Feciga» por medio de Flattr, Liberapay ou ben, enviando unha propina ao utilizar o navegador Brave; o que recadamos por esta vía, axuda a pagar os servizos e o mantemento do noso sitio web.

No derradeiro ano, recibimos apoio económico para desenvolver o noso traballo, por parte da Xunta de Galicia e da Axencia Galega das Industrias Culturais (Agadic).

Podes consultar o balance dos nosos ingresos, gastos e orzamentos, na páxina de transparencia cos relatorios económicos, convenios asinados pola «Feciga» e normativa aplicábel.


 
 

Memorias

Memoria de actividades


  • Actividades



  • Económicas


Navegación
 

Apoios

 

(cc) Creative Commons BY-NC-SA 3.0. • Federación de Cineclubes de Galicia «Feciga»